2012, ഡിസംബർ 21, വെള്ളിയാഴ്ച
നീണ്ട മുപ്പതു ദിനങ്ങള്
ഒടുവിലൊരുനാള്
എന്നിലേക്ക് നീ തിരിച്ചെത്തുമ്പോഴേക്കും
കരഞ്ഞു കലങ്ങിയ കണ്ണുമായി
വിരഹത്തിന്റെ വേദനയില്
എന്റെ മനസ്സ് മരവിച്ചു പോയിരിക്കും ..
ഹൃദയത്തില് നിന്റെ ഓര്മകളും വാകുകളും
കൂട്ടി വെക്കുകയാണ് .
നിന്റെ തിരിച്ചു വരവിനു കാഹളം മുഴങ്ങുന്ന നാളുകളില് ..
എഴുതിയാലും തീരാത്തൊരു പുസ്തകത്തിന്റെ
പണിപ്പുരയില് ആയിരിക്കും ഞാന് ..
നിന്റെ കാലൊച്ചകള് വീണ്ടും എന്നിലേക്ക്
പതിയും ... എനിക്കുറപ്പുണ്ട് ..
എങ്കിലും എനിക്ക് കൂട്ടായി നീ ഉപേക്ഷിച്ചു
പോകുന്നത് എഴുതി തീരാത്ത
എന്റെ ആ അക്ഷരങ്ങള് ആയിരിക്കും
അതിന്റെ ആദ്യ വരികള്
നീ എനിക്ക് സമ്മാനിച്ച മൌനവും .സ്നേഹവും .
പിന്നീടുള്ളത് ഒറ്റപ്പെടലുകളില്
കൂട്ടായി വന്നു ഒടുവില് എന്റെ നീലിമ
നിന്റെ ഓര്മ്മകള് ആയിരിക്കും ..
എന്റെ ജീവിതം.. നീ എനിക്കൊരു നഷ്ടമാണെന്ന്
എനിക്ക് തോന്നിയിട്ടേയില്ല
കാരണം നാഴിക മണിയിലെ
ഓരോ നിമിഷ ചലനങ്ങളും
എന്നോട് പറഞ്ഞത് നിന്റെ സാമീപ്യം മാത്രം
പ്രണയം പറഞ്ഞ നിമിഷമായി
എന്നില് അലിഞ്ഞു ചേരുകയായിരുന്നു നീ
നഷ്ടങ്ങളുടെ കണക്ക് ചോദിക്കുന്ന
നിമിഷങ്ങളോട് ഞാന് വിളിച്ചു പറയും ...
നീന്റെ ജീവന് എന്നിലാണ്
അലിഞ്ഞു ചേര്ന്നതെന്ന്
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ